Ditzionàriu in línia
de sa limba e de sa cultura sarda

àchina , nf: àghina, àgina, àina, àniga, àxina Definizione su frutu chi bogat sa bide, a gurdone, a pibiones prus o prus pagu cracos e matucos segundhu sa calidade / crezes de àghina: de mústiu (abbosa meda), de manigare (a pipiones prus maduros, aghedhosa), de pabassa (aghedhosa, cun pagu sèmene, bianca); apiconi de àxina = budrone, apisile; su fodhone = su fodhi, su pillonchedhu de su pibioni; àxina abbinada = ua cota azummai guastèndhesi in su fundhu, cun su pipione modhe modhe e mesu torradu a su fodhe / calidadis de àxina po papai: apesòrgia, arbasólica, arretallau, galopu, litàchina/titiaca, muscatellò; calidadis de àxina de mustu: alveniadu, arremungiau, barriadòrgia, bovale, bovaledhu, carenisca, cuscusedha, laconarzu, mantzesu, muristellu, nuragus, pascale, retagliadu, semidanu, sintzilosu, zirone / àxina de coloru = zenia de erba chi faghet subra sas rocas, de sas caberturas (Sedum andegavense) Sinonimi e contrari ua Frasi s'àxina ocannu est bella ingrania ◊ s'àgina ocannu est bella e sa sarmenta sana ◊ po s'ierru si apicat s'àghina, si arrimat sa figu de giuncu e sa pilladra de pira matzi niedha Terminologia scientifica bng Etimo ltn. acina Traduzioni Francese raisin Inglese grapes Spagnolo uva Italiano uva Tedesco Trauben.

ainàta, ainàtza , nf: ainnatza Definizione su chi abbarrat de s'àghina pustis bogau su mustu (fodhone, sèmene, iscovili o isporra) Sinonimi e contrari banatza* Traduzioni Francese marc de raisin Inglese marc Spagnolo orujo Italiano vinàcce Tedesco Weintrester.

ammustài , vrb: ammustare Definizione catzigare, istrecare o mòlere s’àghina po fàere su mustu; aciúnghere mustu; piscare sa binatza a istrégiu (cofa) po che lassare iscolare su mustu innanti de dha prentzare Etimo srd. Traduzioni Francese fouler le raisin Inglese to press grapes Spagnolo pisar la uva Italiano pigiare l'uva Tedesco die Trauben pressen.

banàtza , nf: benassa, benatza, binansa, binassa, binata, binatza, vinata Definizione su chi abbarrat de s'àghina candho ndhe ant bogau su mustu: fodhe, sèmene, carena Sinonimi e contrari ainata, natza Frasi faint piriciolu de sa benassa prentzada Etimo ltn. vinacea Traduzioni Francese marc de raisin Inglese marc Spagnolo orujo Italiano vinàcce Tedesco Weintrester.

bruscàu , nm Definizione tina o cobedina a fundhu cuadrau, de linna, po catzigare s'àghina e fintzes genia de mola a rullos móvios a orroda a manu (como a motore, fatu cun àteru materiale), sèmpere po mòlere s'àghina po dh'incubonare Sinonimi e contrari cracadolza Frasi po mòliri s'àxina manigiaus su bruscau, po dha prenciai sa prència Terminologia scientifica ans Traduzioni Francese meule à écraser le raisin Inglese grindstone Spagnolo moledora Italiano màcina per uva Tedesco Traubenmühle.

frobbàdu , nm Definizione una calidade de àghina bianca, e de binu, chi assimbígiat a su nuragus Traduzioni Francese raisin "torbato" Inglese kind of white grapes Spagnolo cepa de uva blanca y el vino que da Italiano torbato Tedesco eine sardische Wein sorte (trauben).

muscadédhu , nm, agt: muscadellu, muscaredhu Definizione genia de bide chi faet àghina bianca cabudàrgia a gurdonedhos piticos e pibione piticu, druche meda, e su binu chi faet / m. burdu = nuragus; m. de mari = zenia de cóciula, fintzas sos os de su prupu e de sa sépia Sinonimi e contrari muscau 1, nuscadellu / cdh. muscatedhu Frasi po sant'Anna essit su muscaredhu 2. tenimus un'àrbure de pira muscadella Terminologia scientifica frt Traduzioni Francese raisin muscat, muscat Inglese muscat (el) Spagnolo moscatel Italiano moscato Tedesco Muskateller, Muskateller.

muscadellòne , nm: muscategliò, muscatellò Definizione genia de bide e àghina a pibiones matucos, aghedhosa, tostada, druche meda Sinonimi e contrari nuscadellò / ttrs. muscadedhoni Frasi su muscatellò est àxina bella scrichiolàcia Terminologia scientifica frt Etimo ctl. muscatellò Traduzioni Francese raisin muscat Inglese muscat (el) Spagnolo moscatel Italiano moscato Tedesco Muskateller.

pabàssa , nf: papàscia, papassa, pobassa, popassa Definizione àghina de calidade bella a pibiones mannos tostaos, cun pagu pisu, sicada ispibionada, e impreada pruschetotu po fàere druches Frasi candho de su prugadóriu arribbaiaus a domo su casigione fut prenu de trigu, fae, gíngiulu, pilladra, chíghere, pabassa, figu de giuncu, nenciola e castàngia ◊ zughet su coro sicadu che pabassa ◊ de su barrali mannu teneus is cantinas prenas de pabassa… Terminologia scientifica mng Etimo itl. Traduzioni Francese raisin sec Inglese raisins Spagnolo pasas Italiano uva passa Tedesco Rosine.

pibiòne, pibiòni , nm: pipione, pubugione, pubujone, pupione, pupugione, pupujone, pupuxone, pupuzone Definizione su granu (upm) de s'àghina comente dhu sèberat su frore de su gurdone; genia de puntighedha tundha comente acabbat su chelu de sa buca, apalas, in s'oru de s'ingurtidórgiu; nodighedhu o lobitu de sa trama chi si faet in su tessíngiu in tapetos, fànugas, burras e àteru, po pòdere essire a figuras, ma fintzes àtera genia de nodighedhu piticu / partes de su pipione: nasedhu, fodhone o fodhe, mata o prupa, sèmene o pisu; su pupujone de sa bula = angaule, sa méndula de su gúturu, su fundu de su paladari Sinonimi e contrari aginedhu, pubone / cdh. pupioni Frasi gustant sos pubujones rujos e dorados trones ponent in sas pischezolas ◊ custos fundhos batint ua pupujoni madura ◊ custos sunt sos pupuzones de s'úrtima iscaluza 2. no ischimus si tessent a pibione overas a ranu de ogu ◊ su sudori, messendi, calaiat a pibionedhus Terminologia scientifica rbr, crn Traduzioni Francese grume, grain de raisin Inglese grape Spagnolo grano Italiano àcino Tedesco Beere der Weintraube.

prudòne , nm: brutone*, prutone, pudrone, pudroni, purdoni, putrone, vurdone Definizione sa prima àghina (prima muta o pasia) comente dha bogat su fundhu de sa bide; s'ispiga de su moriscu; is bobbois chi portant a piscare po esca; cosa posta craca a bisura de pibiones de àghina in d-unu gurdone; genia de ricamu Sinonimi e contrari budrilloni, gudrilloni, gudroni, iscala 1, trone Frasi prannucas de chessa, prudones de tandha ◊ candho sas ispinas de bidhighia si zirant in prudones de selenu, a boghe de prantu muto Terminologia scientifica rbr Traduzioni Francese grappe de raisin Inglese bunch of grapes Spagnolo racimo Italiano gràppolo d'uva Tedesco Weintraube.